𝙈𝙚𝙣𝙞𝙠𝙤 𝙩𝙪𝙡𝙤𝙙𝙝𝙤 𝙩𝙚𝙠𝙨 𝙈𝘾 (𝙋𝙧𝙖𝙣𝙤𝙩𝙤𝙘𝙤𝙧𝙤) 𝙠𝙖𝙜𝙚𝙢 𝙖𝙘𝙖𝙧𝙖 𝙃𝙖𝙡𝙖𝙡 𝙗𝙞𝙝𝙖𝙡𝙖𝙡 𝙣𝙜𝙜𝙞𝙣𝙖𝙖𝙠𝙚𝙣 𝙗𝙤𝙨𝙤 𝙟𝙖𝙬𝙞 𝙠𝙧𝙤𝙢𝙤 𝙖𝙡𝙪𝙨. 𝙏𝙚𝙠𝙨 𝙥𝙪𝙣𝙞𝙠𝙤 𝙙𝙞𝙥𝙪𝙣 𝙨𝙪𝙨𝙪𝙣 𝙨𝙪𝙥𝙖𝙙𝙤𝙨 𝙢𝙧𝙖𝙣𝙖𝙣𝙞 𝙥𝙚𝙣𝙜𝙜𝙖𝙡𝙚𝙝, 𝙖𝙣𝙖𝙣𝙜𝙞𝙣𝙜 𝙩𝙚𝙩𝙚𝙥 𝙧𝙞𝙣𝙜𝙠𝙚𝙨 𝙡𝙖𝙣 𝙜𝙖𝙢𝙥𝙞𝙡 𝙙𝙞𝙥𝙪𝙣 𝙥𝙖𝙝𝙖𝙢𝙞.
𝙏𝙀𝙆𝙎 𝙋𝙍𝘼𝙉𝙊𝙏𝙊𝘾𝙊𝙍𝙊 𝙃𝘼𝙇𝘼𝙇 𝘽𝙄𝙃𝘼𝙇𝘼𝙇
(𝙋𝘼𝙈𝘽𝙐𝙆𝙊 𝙇𝘼𝙉 𝙎𝘼𝙇𝘼𝙈)
اَلسَّلَامُ عَلَيْكُمْ وَرَحْمَةُ اللهِ وَبَرَكَاتُهُ
اَلْحَمْدُ لِلَّهِ رَبِّ الْعَالَمِينَ، أَشْهَدُ أَنْ لَا إِلَٰهَ إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ. اَللَّهُمَّ صَلِّ عَلَىٰ مُحَمَّدٍ وَسَلِّمْ، اَللَّهُمَّ صَلِّ عَلَىٰ مُحَمَّدٍ وَسَلِّمْ.
Wonten ngarsanipun poro pinisepuh, ajisepuh, soho sesepuh alumni... (PP. Mahir arriyadl Ringinagung)ingkang satuhu kinabekten.
Dumateng al mukarom romo yai.... JKhozin alhaj) , Ingkang kito hormati ugi engkang tansah kito tenggo menggah doa soho dawuh dawuh ipun
Dumateng poro kiyai ugi rencang rencang alumni.....(pondok pesantren mahir arriyadl Ringinagung pare Kediri) engkang mboten saget kawulo sebat setunggal2 asmonipun engkang tansah kinormatan
Dumateng poro Bapak Ibu, hadirin hadirot sedoyo ingkang tansah dipun-mulyaaken Allah SWT.
Langkung rumiyin, sumonggo kito tansah ngonjukaken pujo sarto syukur wonten ngarsanipun Allah Ingkang Maha Welas lan Maha Asih. Awit saking rohmat lan hidayah-Ipun, kito sedoyo saget kempal manunggal wonten ing papan punika kanthi kawontenan sehat wal afiat ing adicoro... (Halal Bihalal Santri soho Alumni pondok pesantren mahir arriyadl Ringinagung) wonten ing dalu puniko.
Sholawat sarto salam mugi tansah kaaturaken dhumateng junjungan kito, Nabi Agung Muhammad SAW, ingkang kito antu-antu syafaatipun wonten ing yaumil qiyamah mangkeh. Amin.
[Atur Pangayubagya]
wonten ing mriki kawulo piniji minongko pranatacoro, keparengo matur, badhe maosaken reroncenipun adicoro Halal Bihalal engkang bade kalampah wonten ing wekdal dalu punika:
1.Acara ingkang sepindah, inggih puniko pembikaan.
2.Kalajengaken Acara ingkang ongko kalih, inggih puniko tahlil lan sholawat
3.Selajeng ipun acara ingkang ongko tigo inggih puniko sambutan tuan rumah soho alumni engkang bade dipun pangarsani bapak...(nasta'in)
4.Dene acara ingkang ongko sekawan inggih puniko Waosan Ayat Suci Al-Qur’an engkang bade dipun pangarsani bapak....(Nur rohim)
5.Acara ingkang ongko gangsal nun inggih puniko, mauidhoh hasanah soho doa saking romo yai....(Romli khozin pare kediri)
6.Dene acara ingkang panutup, inggih puniko ramah tamah engkang bade dipun iringi rebana.
Mekaten reroncening adiacoro ingkang bade kalampah ing ndalu puniko, mugi-mugi acara saget kalampaahan kanti lancar lan pikantuk ridho saking Allah SWT.
Bapak Ibu ingkang dipun rohmati Allah,
1.
Mlebet adicoco ingkang kapisan inggih punika pambuko. Sumonggo adicoro punika kito bikak kanthi waosan fatihah sesarengan. (Liridhoilah walisyafaati Rosulilllah, Alfatihah....). Matur nuwun.
2.
Ndungkap adicara ingkang kaping kaleh, inggih punika waosan tahlil soho sholawat engkang bade dipun pangarsani bapak....
Dumateng bapak.... Wekdal soho papan panggenan dipun dipun sumanggaaken.
3.
Ndungkap adicara ingkang kaping tiga, inggih punika atur pambagyaharja soho alumni saking Bapak...(Ky. Nasta'in.) Dhumateng Bapak (ky nasta'in) , Wekdal soho papan panggenan dipun dipun sumanggaaken.
4.
Adicara salajengipun inggih punika waosan ayat suci Al-Qur’an ingkang badhe dipun-waos dening Sedherek bapak ustadz Nur rohim. Dhumateng Sedherek bapak ustadz Nur rohim, wekdal sarto papan panggenan dipun-sumanggakaken.
Matur nuwun, mugi-mugi saget nambah kiyatipun iman kita sedoyo.
5.
Mlebet adicoro ingkang kaping gangsal, inggih punika adicoro engkang kito tenggo tenggo, Pameran Sabdo soho doa, engkang badhe dipun-wedharaken dening Romo kyai.... (Romli khozin al-haj saking pare kediri.) Dhumateng panjenengan ipun romo yai (Romli khozin alhaj) , wekdal sarto papan panggenan dipun-sumanggakaken.
6. Panutup & Doa
Para rawuh ingkang dahat kinurmatan, reroncenipun adicoro Halal Bihalal sampun kaleksanan kanthi rancag. Sumonggo adicoro puniko kito tutup kanthi waosan Hamdalah sesarengan (Alhamdulillahirabbil'alamin) lan dipun-lajengaken ramah tamah
Saking kawulo minangko pranotcoro, mbok bilih wonten klenta-klentunipun atur, soho tindak-tanduk ingkang kirang mranani penggalih, kula nyuwun agunging samudri pangaksami.
Matur nuwun, sugeng kondur.
Wassalamu’alaikum Warahmatullahi Wabarakatuh.
𝘾𝙧𝙚𝙖𝙩𝙤𝙧 ; 𝘼𝙝𝙢𝙖𝙙 𝙛𝙖𝙩𝙝𝙤𝙣𝙮 𝙢𝙖𝙨𝙮𝙝𝙪𝙧𝙮 𝙖𝙨𝙨𝙖𝙢𝙖𝙧𝙤𝙣𝙟𝙮
𝘾𝙤𝙥𝙮 𝙧𝙞𝙜𝙝𝙩 © 2026 𝙠𝙤𝙥𝙞 𝙨𝙖𝙣𝙩𝙧𝙞 𝙠𝙚𝙡𝙞𝙣𝙜 - 𝘼𝙡𝙡 𝙧𝙞𝙜𝙝𝙩𝙨 𝙧𝙚𝙨𝙚𝙧𝙫𝙚𝙧𝙙
